Ourense supera os 2000 casos activos e aumenta a presión hospitalaria

Na área sanitaria de Ourense os datos non son nada bos. En 24 horas aumentaron en once as persoas hospitalizadas en planta e os casos activos xa superaron a barreira dos 2.000.

A cidade de Ourense amence este domingo da ponte da Constitución con 1.046 veciños e veciñas enfermas de covid, hai un mes non chegaban ao cento. Tras a capital, o concello de Barbadás é o que máis preocupa na provincia.

Con esta evolución na maioría dos municipios, volven as ringleiras de coches ao Covid-auto do hospital de Ourense. A positividade está sendo moi alta aquí. O sábado, de case 1.800 probas feitas, 200 deron positivo.

Un total de 2.041 pacientes están pasando a enfermidade, nun mes multiplicouse por doce. E soben as hospitalizacións a 64, sete na UCI. Coa ponte e as xuntanzas, dende Sanidade prevén que sigan subindo. Cóidense.