Ourense aproba os seus primeiros orzamentos en cinco anos
O pleno extraordinario celebrarase este luns cun total de 116,7 millóns de euros
O acordo entre Democracia Ourensana e o PP permite desbloquear as contas
Imaxe de arquivo
Ourense contará cos seus primeiros orzamentos en cinco anos, cunha dotación de 116.700.226,82 euros, tras a aprobación inicial prevista nun pleno extraordinario este luns.
Ademais dos orzamentos municipais, a orde do día inclúe tamén os da Comisión Municipal de Deportes (CMD).
A aprobación será posible polo pacto alcanzado entre Democracia Ourensana e o PP, que se comprometeu a absterse, despois de facilitar tamén o goberno en minoría de Gonzalo Pérez Jácome.
O acordo fíxose público o venres pasado e a portavoz popular, Ana Méndez, explicou a súa posición asegurando que “non estamos aquí para bloquear”.
