Óscar Mingueza sofre outra rotura fibrilar na coxa dereita
Os servizos médicos do Celta non informaron do tempo que deberá permanecer de baixa, aínda que non será inferior ás tres semanas
O defensa do Celta, Óscar Mingueza, sofre unha rotura fibrilar de grao I no recto anterior da súa coxa dereita, segundo revelaron as probas médicas que lle realizaron os servizos médicos do club nas últimas horas.
O exfutbolista do Barcelona reincorporouse o pasado martes aos adestramentos co grupo tras estar máis dun mes de baixa, pero ao día seguinte recaeu da lesión que sufrira nese mesma coxa no mes de febreiro.
Nesta ocasión, os servizos médicos do Celta non informaron do tempo que deberá permanecer de baixa, aínda que non será inferior ás tres semanas. Mingueza perdeu os últimos catro partidos do seu equipo na Liga contra Valladolid, Osasuna, Raio Vallecano e Español.
