Os visitantes achéganse a Galicia esta Semana Santa malia a chuvia e o frío
Na Oficina do Peregrino de Santiago estaban rexistrados este Xoves Santo 3.385 peregrinos
"Vimos empapados, pero é reconfortante", din algúns dos camiñantes
O tirón da Ribeira Sacra fai que se encha de turistas durante esta Semana Santa
Galicia recibe os turistas cos brazos abertos malia a chuvia e o frío. Nos aeroportos galegos operan estes días arredor de 1.200 voos; 700 deles con saída ou destino A Lavacolla, e estase a notar tamén moito movemento nas estacións do tren.
A Oficina do Peregrino de Santiago reforzou o número de voluntarios esta Semana Santa. Durante a xornada de onte estaban rexistrados 3.385 peregrinos.
Esther Muíño, traballadora da oficina, afirma que "a xente bótase a camiñar independentemente da climatoloxía".
Os visitantes que chegaron este Venres Santo a Santiago tiveron como acompañante durante todo o camiño a chuvia.
"Vimos empapados, pero é reconfortante", dixéronnos esta mañá. Aínda que algúns afirma que "a chuvia fai que todo se complique", outros apuntan: "Esperabamos máis chuvia".
A chuvia está sendo persistente esta Semana Santa. Sobre todo, na zona do litoral. Nalgúns puntos das Rías Baixas, como Vigo e Baiona chegáronse a acumular este Venres Santo ata 50 litros de chuvia por metro cadrado.
.png)