Os veciños protestan en Cangas contra a subida das taxas do lixo no Morrazo

Veciños de Cangas concentráronse na tarde deste luns diante do Concello para protestaren contra o aumento na taxa do lixo.

A tarifa definitiva aprobarase nun pleno da Mancomunidade do Morrazo que se vai celebrar este martes ás nove da mañá.

A pasada semana  coñecíase que este incremento non se producirá  ata dentro dun ano.

Ducias de veciños  percorreron as rúas de Cangas para  expresar o seu malestar por este aumento de prezo e tamén polo feito de que a decisión se aprobe nun pleno ao que moi poucos poderán acudir.