Os vándalos causan estragos no novo embarcadoiro do río Mandeo, aínda sen inaugurar
A instalación tiña previsto celebrar a súa estrea a próxima semana
O Concello de Betanzos tiña previsto inaugurar a próxima semana o embarcadoiro e a base de actividades de ecoturismo construídos na zona da Tolerancia do río Mandeo. Unha obra que custou algo máis de 240.000 euros. Pero a esa cantidade haberá que sumarlle agora o custo da reparación dos danos que causaron os vándalos: pintadas nas estruturas metálicas e estragos nas tomas de corrente para as embarcacións eléctricas.
Tamen arrincaron árbores. Un mal endémico que afecta a outros espazos públicos do Concello, como o parque dos Cabidos de recente construción. Algo que indigna os veciños polo custo que ten para as arcas municipais repararen eses danos.
Precisamente o Concello de Betanzos está a poñer en funcionamento medidas para combater a acción dos vándalos, que lle custan uns 40.000 euros anuais ao erario público.
