Morre unha muller de 67 anos ao derrubarse unha parte da súa vivenda en Cartelle

Unha muller de 67 anos faleceu na tarde deste xoves ao derrubarse parte da casa en que vivía en Cartelle. O suceso ocorreu arredor das 17:45 horas desta tarde.

O 112 Galicia alertou a Urxencias Sanitarias de Galicia-061, á Garda Civil, Bombeiros de Ourense, GES de Terras de Celanova e voluntarios de Protección Civil de Cartelle.

Unha vez no punto, os servizos de emerxencias comprobaron que se trataba dunha casa con dúas plantas: a placa de formigón do segundo piso cedeu e acabou derrubándose sobre o primeiro.