Os pisos de alugueiro na illa da Toxa, de novo entre os máis caros da costa española

Alugar un piso de vacacións este verán en España custa, de media, uns noventa euros máis do que custaba o verán  pasado. Entre as casas máis caras de toda España para pasar as vacacións están as da provincia de Pontevedra.

Na illa da Toxa, pasar unha semana de vacacións, sete días, en xullo ou en agosto nunha vivenda turística de alugueiro pode custar, estase pagando xa, de media, uns 2.800 euros. Son mil euros máis do que se pagou aquí polo mesmo hai tres anos.

Algo máis económico é o mesmo, pasar as vacacións nunha vivenda turística de alugueiro en Sanxenxo, 2.100 euros.

Segundo a consultora que compara prezos de alugueiros turísticos en pisos de zonas costeiras de toda España, Tecnitasa, pasar as vacacións nun piso turístico de alugueiro aquí na illa da Toxa, de novo volve ser un dos sitios costeiros máis caros de España.

Custa máis que veranear nun piso turístico, por exemplo, nalgúns lugares de Eivisa ou Marbella.