Os números do Lugo neste 2023 non invitan a pensar na salvación
Un punto e un gol en seis xornadas representan unha bagaxe ínfima á procura da permanecia
O triunfo do Racing contra o Leganés deixa a salvación a oito puntos
Tras a súa derrota ante As Palmas, o Lugo trata de pasar páxina e pensa en como saír dos postos de descenso. Tres novos goles encaixados na última xornada déixaos como o segundo equipo máis goleado tras o pechacancelas, o Eivissa.
A última vitoria dos albivermellos foi en decembro do ano pasado, e nas últimas seis xornadas só conseguiron sumar un punto. O aspecto goleador tampouco é moito mellor, cun só gol anotado nesas seis xornadas. Pésimos datos que os manteñen na penúltima posición da táboa e coa permanencia a oito puntos.
O triunfo do Racing contra o Leganés culminou unha xornada lamentable para o equipo de Joan Carrillo, que debe facer unha remontada espectacular se quere ter posibilidades de manterse.
