Os mercados xa están en pleno outono
Chegan os peixes de forno, os cocidos, as nabizas, os cítricos e as castañas
Os vendedores din que o cambio non se produce dun día para outro, pero a oferta xa comeza a transformarse
O outono comeza a coarse nos mercados.
"Agora veñen buscar a lura, que estaba moi escasa, a choupiña para o guiso". "A novidade é que comezará a vieira e pouco despois a centola".
E coa chegada de outubro, chegan tamén os cocidos.
"Desde finais de setembro a xente xa comezou a levar para o cocido. O salgado e a faldra de tenreira para facer ao caldeiro é o que máis tira agora mesmo: o cocido".
Pero tamén hai unha ampla variedade de verduras e froitas. Dese xeito, os consumidores recuperan os sabores outonais.
"Apetece comer un caldo". "Cocido, castañas".
Malia que hai quen aínda se resiste a abandonar as froitas e verduras do verán.
"Botan de menos a froita do verán. Din que o outono e o inverno son unha tristura".
Con todo, os vendedores din que o cambio non se produce dun día para outro, pero a oferta xa comeza a transformarse.
