Os médicos do Obradoiro consideran que o xeonllo de Bender aínda non está curado

Que pasa con Dragan Bender? O croata estivo en Santiago onde pasou unha completa revisión médica. A evolución é positiva, pero dificilmente xogará algún partido desta temporada.

O pivote internacional do que o cadro galego ten os dereitos lesionárase por segunda vez no xeonllo esquerdo rompendo o ligamento cruzado anterior. De momento, o Obradoiro descarta a posibilidade de incorporalo e volverá a Croacia para continuar coa recuperación.