Os maiores xa se preparan para o Entroido de Verín
Os maiores xa se preparan para o Entroido de Verín
Recuperan as cantigas tradicionais da bisbarra para cantar no desfile
Están a elaborar os seus propios disfraces
Na asociación Aires Nosos de Verín, formada maioritariamente por xubilados, ensaian as cantigas que van interpretar nos días grandes do Entroido na vila ourensá.
O don Carnal é a festa principal de Ourense e non queren que a idade sexa un obstáculo para gozaren plenamente como cando eran mozos.
De feito, moitos deles axudaron a manter a tradición.
Ademais de cantar e bailar, estes maiores tamén elaboran os seus propios disfraces.
E é que din que o Entroido é cuestión de actitude e eles teñen a mellor posible para desfrutar ao máximo.
Malia o frío que vai estes días en Verín, traballan todas as tardes de cara aos días máis festeiros.
Pero o Entroido non remata para estes maiores en febreiro, xa que teñen pensado viaxar ao Brasil a seguir coa troula.