Os líderes da UE garanten a solidez da banca en plena xornada negra nas bolsas
Os líderes da UE garanten a solidez da banca en plena xornada negra nas bolsas
Acordan avanzar na unión bancaria, pero non na garantía común dos depósitos
A presidenta do BCE insiste en que as entidades europeas son "fortes e resilientes"
O cumio europeo deste venres estivo marcado polas turbulencias financeiras, tanto as das últimas semanas como as deste mesmo venres.
Mentres os líderes, incluídos os presidentes do Banco Central Europeo e o do Eurogrupo debatían, os bancos vivían outra xornada negra nas Bolsas. O Deutsche Bank, o peor parado, caeu case un 9 %.
Con todo, os mandatarios confían en que a experiencia adquirida na anterior crise permitirá capear o temporal.
Pedro Sánchez asegurou que "Europa aprendeu das leccións extraídas da crise financeira de hai unha década. Onde houbo división, hoxe hai unidade; e onde houbo recortes e insolidariedade, hoxe hai unha resposta solidaria".
Chistine Lagarde insistía en que o sector bancario europeo é forte e resiliente, pero instaba os líderes a completar a unión bancaria.
Os Vinte e sete acordaron reforzar a regulación das entidades. As resistencias de países como Alemaña impediron avanzar cara á construción dun fondo común de garantía de depósitos.
