Os letrados da Administración de Xustiza concéntranse no Obradoiro

Letrados da Administración de Xustiza de toda Galicia, que levan en folga indefinida desde o 24 de xaneiro, concentráronse este mediodía na praza do Obradoiro para reclamar ao Goberno central melloras retributivas e laborais. Piden que os seus soldos se adapten ao incremento das súas funcións e das responsabilidades que lles atribuíron nos últimos anos.

A folga dos antigos secretarios xudiciais xa obrigou a suspender arredor de tres mil xuízos en Galicia.