Os tractores deixan Lugo tras comprometer a Xunta axudas directas aos gandeiros
O conselleiro de Medio Rural comprometeu unha liña de axudas de entre dez e doce millóns de euros para o sector
Manterán un retén diante da Subdelegación do Goberno ata que os reciban no Ministerio de Agricultura
Os gandeiros de carne abandonan a súa protesta diante do edificio da Xunta en Lugo. Os tractores que estaban desde o xoves na Ronda da Muralla empezan a volver ás súas explotacións.
Fano despois de que os representantes da Asociación de Gandeiros Galegos da Suprema se reunisen co conselleiro do Medio Rural e este se comprometera con eles a pór en marcha unha liña de axudas para o sector de entre de e doce millóns de euros, en función dos quilos de carne certificada.
Ademais, tamén lles comunicou que haberá outra liña de axudas, aínda sen cuantificar, para fomentar a prevención de incendios forestais e previr as súas zonas de pastoreo.
Lembremos que os gandeiros reclamaban prezos dignos para a súa carne, que denuncian que llela están pagando igual que hai 30 anos.
Os gandeiros deixaron libre a Ronda da Muralla, pero anuncian que van manter un retén indefinido na Subdelegación do Goberno para esixir compromisos do Goberno central.
