Os galegos gastan unha media de 16,83 euros na lotaría de Reis

A uns días do sorteo do Neno hai moita actividade nas administracións de lotaría.

O gasto medio por habitante en Galicia é de 16,83 euros fronte aos 67 da lotaría de Nadal e é que este sorteo ten menos fama. Mesmo hai quen o colle con certo enfado cando non lle toca nada no do 22 de decembro.

Lugo é a provincia galega que máis gasta no Neno cunha media de preto de 23 euros e algunhas administracións non paran de vender décimos. Neste sorteo o máis habitual e intercambiar un décimo premiado por outro e que as vendas sexan de décimos soltos.

O sorteo do Neno reparte en total 700 millóns de euros en premios.