Aparece o cadáver dunha muller aboiando no río Lérez, en Pontevedra
Segundo o Concello de Pontevedra, a muller ten entre 70 e 80 anos e non porta documentación
Arquivo TVG
Os servizos de emerxencia localizaron un cadáver dunha muller no río Lérez ao seu paso pola cidade de Pontevedra.
Segundo informa o 112, o achado produciuse arredor da medianoite na zona da ponte dos Tirantes.
🔴 #AXEGAInforma da localización do corpo sen vida dunha persoa aboiando no río Lérez, en Pontevedra.
— 112 Galicia (@112Galicia) July 27, 2026
📍 Zona da ponte dos Tirantes.
➡️ O #112Galicia recibiu aviso dez minutos despois da medianoite, e os servizos sanitarios só puideron confirmar o seu falecemento.
(1/2) pic.twitter.com/Zj6ecfoDOD
O Concello de Pontevedra indicou que o servizo de Bombeiros en embarcación rescatou o corpo da auga e depositouno sobre un pantalán deste lugar.
Unha ambulancia medicalizada do 061 certificou a morte como xudicial dunha muller de entre 70 e 80 anos, indocumentada. Esta persoa leva un bolso enganchado ao brazo, aínda que non porta ningún tipo de documentación nin consta en base de datos ningunha desaparición próxima no tempo que poida coincidir coas características observadas.
O achado mobilizou efectivos da Policía Local, Policía Nacional, Bombeiros, 061 e Protección Civil.
