Os encoros españois están en situación crítica, ao 40 % da súa capacidade

A seca está a acender as alarmas en boa parte dos encoros de España, que están sobre o 40 % da súa capacidade de media.

Esa porcentaxe considérase moi crítica a estas alturas do ano. De todas formas, as cifras varían moito, xa que as presas en Euskadi superan o 70 % da súa capacidade, mentres que na metade sur do país figuran xa por debaixo do 30 %.

A Axencia Española de Meteoroloxía lembra que desde 1965 non se rexistra un período entre maio e agosto con tan poucas precipitacións, o que implica un perigo evidente para as reservas hídricas.