Os empresarios galegos emprazan o Goberno a que adopte xa medidas excepcionais

Os empresarios galegos emprazan o Goberno central a que adopte xa medidas excepcionais ante os elevados custos enerxéticos. Alertan de que está en risco a cadea de subministración e falan de colapso industrial e empresarial.  Piden unha baixa inmediata dos impostos como xa se fixo noutros paises da Unión Europea.

Juan Manuel Vieites, presidente da Confederación de Empresarios de Galicia dixo que  "Hai que tomar medidas excepcionais" e que a cadea de suministración "ten que estar garantida". Desde o sector do metal alertan de que hai que "evitar o colapso industrial porque vai ter máis prexuízos que o prexuízo de que o Goberno recade un pouco máis ou un pouco menos de impostos", asegura Enrique Mallón, secretario xeral de Asime.