Os comerciantes da Coruña piden máis vixilancia policial ante a vaga de roubos

Un comercio da contorna da praza de Vigo aínda conserva as pegadas do suceso. O ladrón ou ladróns actuaron de madrugada para entrar no interior do local. Revolveron todo e finalmente levaron unha pequena cantidade de efectivo que gardaba na caixa.

Non se conformaron con este botin e volveron intentalo en varios locais hostaleiros da mesma zona. Conseguírono neste establecemnto forzando a porta. Os comerciantes da Coruña están preocupados.

"Hai moita inseguridade. Roubos, altercados. Anda a cousa complicada", di un comerciante ao que lle roubaron en tres ocasións.

Na froitería de Pablo entraron tres veces nos últimos meses. O xeito de proceder é común na maiorr parte dos roubos: "Non é que leven moitos cartos. Pillan o que poden. O peor é que negocios pequenos que nos custa sobrevivir, con estes robos é peor a cousa".

En barrios coma Os Mallos ou Vioño suman ademais numerosos roubos en coches e garaxes. Unha situación que veñen recollendo as estatísticas oficiais. Os balances do Ministerio do Interior recollen un aumento de máis dun 76 % dos roubos en locais comerciais.

"As cifras preocúpannos. A persoa que está á fronte dun negocio xa ten problemas dabondo. E estes roubos ou furtos desincentivan moito", di o presidente da Asociación de Comerciantes do Obelisco, Javier Pastorizo. 

Comerciantes e hostaleiros piden máis presenza policial nas rúas. "Os establecementos asociados o que nos están pedindo é que demandemos mais vixilancia poilicial. Sobre todo poruqe o que fai é disuadir", reclama Pastorizo.

Mentres, non lles queda outra que poñerlles máis barreiras aos ladróns para evitar novos sustos.