Os cinco concelleiros da Marea Atlántica na Coruña non estarán nas municipais de 2023

Os cinco concelleiros da Marea Atlántica na Coruña non se presentarán ás próximas eleccións municipais. A formación confirmou que ningún dos edís integrará a lista que se definirá nos próximos meses de cara a cita electoral de 2023, aínda que si completarán o actual ciclo político.

O código ético da Marea Atlántica establece que os seus representates nas institucións non poden exercer o cargo durante máis de dous mandatos. Segundo esta premisa, só estaría en disposición de continuar, aínda que non o fará, Iago Martínez, xefe de gabinete do alcalde Xulio Ferreiro na anterior lexislatura.