Os carburantes rozan os dous euros por litro a uns días de que expiren os descontos do Goberno
O custo de encher un depósito medio xa supera os cen euros
Encher o depósito do coche xa custa máis de cen euros. A gasolina e o diésel están en máximos anuais, moi preto dos dous euros por litro de media en España. Son incrementos de máis do 30% respecto a setembro de 2025. O un de outubro remata o desconto extraordinario aplicado desde comezos de mes para aliviar a suba dos carburantes, cinco céntimos por litro de gasolina e vinte céntimos no gasóleo.
Agricultores, gandeiros e pescadores dependen do gasóleo para manter a súa actividade. O encarecemento do combustible estreita as marxes do sector primario.
"Podemos estar gastando entre 20.000 e 30.000 euros máis ao mes só en combustible. A posible ganancia vaise aí", explica Juan Carlos Corrás, xerente da asociación de armadores Pescagalicia-Arpega-O Barco
Tamén lles afecta ás familias que utilizan gasóleo para quentar os seus fogares. Encher un depósito de mil litros custa ao redor de 1.700 euros, un 12% máis que hai un mes.
