Os camións non poderán circular por Pedrafita nos días de neve

A estampa de camións circulando con neve por Pedrafita non se vai ver durante este inverno. O Ministerio de Transportes decidiu que os vehículos de gran carga non poderán acceder á zona nos días en que haxa nevarada. Preténdese así evitar que haxa máis problemas para o tráfico rodado nunha zona que xa leva vivindo unha saturación de vehículos dende a caída de parte do viaduto do Castro en xuño.

Cando neve, os camións terán que dar un rodeo de máis dunha hora para retomar a autovía, xa que estará prohibido que circulen no tramo entre a localidade leonesa de Toral de los Vados e a cidade de Lugo.

Son 50 quilómetros máis de percorrido e por estradas con menos prestacións. O incremento da distancia e do tempo influirá no consumo de combustible e iso non gusta aos camioneiros.

O traxecto os días de neve pasará á beira das localidades do Barco, A Rúa ou Sarria.