Os balnearios son un dos destinos que máis turistas reciben durante esta ponte
Superan o 80 % de ocupación durante a ponte da Constitución
Durante a ponte da Constitución gran parte da poboación aproveitou para achegarse aos balnearios que hai repartidos por toda Galicia.
O xerente da Asociación Balnearios de Galicia, Benigno Amor, destacou os balnearios como un destino seguro e asegurou nunha entrevista da Radio Galega:
"Son lugares moi axeitados para a xente que pasou a covid ou persoas que estiveron durante moito tempo encerradas"
En canto ao perfil dos visitantes, tamén explicou Amor que mudou, xa que antes acudía xente maior e esa tendencia está mudando.
"Acode xente maior, pero cada vez vén máis xente de todas as idades, familias ou grupos de amigos"
O xerente da Asociación Balnearios de Galicia incide en que as augas dos balnearios axudan a mellorar a calidade de vida das persoas e que, ao estar situados en contornos naturais, teñen dispoñibles ofertas moi completas.
