Oposicións para o corpo da Policía Local
Máis dun milleiro de aspirantes presentáronse ao exame para as prazas de policía municipal que ofertan 36 concellos galegos.
Máis de mil aspirantes ao corpo da Policía Local enfrontáronse ás probas teóricas no recinto feiral de Slleda. Tiveron que responder un cento de preguntas sobre o temario específico e as correspondentes á proba de galego, só para quen non certificase o coñecemento do idioma previamente. Os que superen esta fase terán que concorrer ás probas físicas para acceder a unha das cen prazas que ofertan 36 concellos galegos. Pouco antes de entrar agardaban a chamada para entrar para facer o exame.
Estou nerviosísimo, a ver se vai para este ano, pero pouco a pouco.
Os nervios son bastante fortes, pero levamos todo como podemos e esperemos sacar unha boa nota
É o que sempre quixen facer, opositar a policía local. Decidinme pola local para quedar aquí en Galicia
Decidín presentarme porque é unha vocación desde pequeno, un oficio que sempre me gustou moito
