Obrigan a aterrar un avión en Francia polo mal comportamento duns pasaxeiros
O voo que facía a ruta entre Londres e Alacant tivo que aterrar de emerxencia en Francia ante os disturbios que estaban a causar un grupo de pasaxeiros
Estaban a celebrar unha despedida de solteiro e acabaron detidos; segundo as testemuñas, consumiran moito alcol
No momento en que os xendarmes franceses acceden ao avión puideron escoitarse os aplausos do resto de pasaxeiros, que dan idea da tensión que viviron no voo. O comportamento dun grupo de viaxeiros da ruta entre Londres e Alacante obrigou a facer unha aterraxe de emerxencia na cidade francesa de Tolosa.
Segundo as testemuñas, o grupo consumira moito alcol e foron groseiros durante o percorrido, chegando a colocar os pés por riba do repousacabezas doutros pasaxeiros ou cuspindo.
Algúns relataron que o detido mesmo berrara a súa intención de abrir a porta de emerxencia en pleno voo. Unha situación que xerou a alarma dentro do avión, o que obrigou a esa aterraxe de emerxencia para que interviñesen as forzas de seguridade galas.
