O xuíz busca permiso dos EUA para validar as mensaxes dun accionista de Plus Ultra

O xuíz da Audiencia Nacional, José Luis Calama, solicitou ás autoridades dos Estados Unidos autorización para utilizar como proba as comunicacións extraídas do teléfono móbil de Rodolfo Reyes, accionista de Plus Ultra sobre o que pesa una orde internacional de detención. 

Reyes aparece mencionado en distintas actuacións da causa que investiga as xestións realizadas para a concesión do préstamo público de 53 millóns de euros concedido á aeroliña en 2021. Segundo a investigación, foi quen instou a buscar apoios para a compañía e chegou a mencionar ao expresidente do Goberno José Luis Rodríguez Zapatero nalgunhas comunicacións incorporadas ao sumario. 

As mensaxes foron obtidas pola axencia estadounidense Homeland Security Invstigations (HSI) e remitidas á Unidade de Delincuencia Económica e Fisal (UDEF) da Policía Nacional. Agora, o maxistrado solicita cooperación xurídica internacional para que poidan empregarse como proba no procedementos e non só como material de investigación. 

Segundo o autor xudicial, a información forma parte dunha investigación internacional iniciada en 2018 sobre unha suposta rama de branqueo de capitais, corrupción e ocultación de activos a través de estruturas financeiras e empresas pantalla.