O xornal 'El Español' insiste na reunión entre Pedro Sánchez e Arnaldo Otegi
'El Español' sinala que Koldo recoñece ter conducido a Cerdán e Sánchez ao casarío
Os dous protagonistas negaron que se celebrara e din que se trata dunha mentira
O teléfono móbil de Koldo podería ter mensaxes sobre a reunión entre Pedro Sáchez e Arnaldo Otegi. É o que publica o xornal 'El Español', que insiste nesa xuntanza previa á moción de censura de 2018. Tamén apuntan que Koldo recoñece que conduciu a Sánchez e a Cerdán a ese encontro.
O presidente do Goberno nega esa reunión e dende Bildu, Otegi acusa de mentir a Koldo e a 'El Español' e asegura que non tería motivos para ocultar a reunión se fose certa.
O Partido Popular acusa a Sánchez de pactar cun terrorista o futuro do país.
Este xoves celebrarase a vista no Tribunal Supremo para revisar a liberdade de Koldo García e do exministro Ábalos. As acusacións populares pedirán o seu ingreso en prisión provisional.
