Brilos, pedrería e cores vivas: os segredos do vestiario das orquestras
Os seus deseñadores buscan elaborar pezas rechamantes que reforcen a imaxe estética dos artistas
Forma parte do espectáculo, contribuíndo a xerar a imaxe impactante e profesional que define a cada orquestra sobre o escenario. Falamos do vestiario.
"Creo que é parte fundamental do espectáculo igual cas luces, igual cas pantallas e igual co repertorio", asegura Gonzalo Bermúdez, que ten en Betanzos unha tenda de moda masculina.
Entre a súa clientela figuran ata vinte orquestras e grupos galegos. Amosa o traxe en cor celeste que visten neste momento os catro cantantes da orquestra Panorama e outro en cor crúa que conseguiu para a mesma orquestra e que emula o show de Bud Bunny na final da Super Bowl.
A súa misión é dar con aquilo que cada artista lle solicita.
"Aprendemos ata colocar camisas con velcros para que non teñan botóns, que todo sexa rápido e que todo sexa cómodo. Máis ben o que facemos nós é que somos conseguidores. Conseguimos aquilo que están buscando e que eles mesmos tunean logo", comenta.
E cando non se consegue, hai que buscar alternativas.
"Non había traxe desa cor, nin parecido. Con dous traxes tivemos que facer un. Un labor das modistas. Aí se a alguén lle hai que baixar o sombreiro é ás modistas das orquestras", conclúe.
Porque o espectáculo debe continuar.
