O vento complica a extinción de 18 incendios en Castela e León, 10 deles graves

Complícanse os labores de extinción dos incendios forestais en Castela e León por mor do vento. Os fortes refachos e cambios de dirección complicaron os traballos nas provincias de León e Zamora, onde hai máis dunha ducia de núcleos de poboación desaloxados.

Este martes están activos 18 focos, 10 deles graves. No de Porto estiveron traballando esta noite unha decena de cuadrillas terrestres, xunto a oito autobombas e dous reténs de maquinaria. Esta mañá incorporáronse os medios aéreos para tratar de controlar un lume que onte se saltou as defensas na serra da Cabrera en Zamora e León.

A complicación do incendio de Porto obrigou a desaloxar seis poboacións; tamén houbo onte novos desaloxos en León polos lumes da Baña e Garaño, que sufriron tamén reavivacións por mor do vento. En León hai 18 localidades evacuadas á espera de que a suba das temperaturas e o vento dean unha tregua aos equipos de extinción.