Publicador de contidos

Publicador de contidos

O tempo cambiante afecta a colleita de uvas na Ribeira Sacra

O tempo cambiante afecta a colleita de uvas na Ribeira Sacra

O crecemento dos acios detívose por causa do frío

Chuvia e vento impiden aplicar tratamentos fitosanitarios

G24.gal 22/06/2022 20:26

No que vai de xuño fixo moita calor, houbo noites moi frías, períodos de seca, treboadas e orballo. Esa mestura climática en só 22 días xa está a afectar os viñedos da Ribeira Sacra.

O desenvolvemento dos acios paralizouse nos últimos días pola caída das temperaturas e algunhas castes de fungos e insectos atopan neste rebumbio climático as condicións ideais para se reproducir.

O que máis notan nas adegas é o cambio na previsión de tratamentos fitosanitarios. As famosas mans de sulfato teñen que pospoñerse por causa da chuvia e mesmo hai que recorrer a praguicidas que non estaban previstos.

Estes cambios na planificación afectan a xestión económica das adegas porque os tratamentos tampouco escapan á inflación e xa subiron varias veces de prezo.

Malia os cambios no tempo, na Ribeira Sacra agardan un verán normal e que a colleita poida ser como a da media dos últimos anos.

Publicidade
Publicidade
Publicidade
Pódeche interesar