O sector turístico español cre que a actividade se recuperará a partir de Semana Santa

O PIB turístico sumou 88.500 millóns de euros, case un 43 por cento menos do que xeraba o sector antes da pandemia, segundo datos da alianza Exceltur. Con todo, a cifra indica unha recuperación de 36.000 millóns con respecto a 2020.

O turismo interior foi o puntal da actividade, xa que as restricións limitaron a recuperación do turismo estranxeiro. Exceltur confía en que a actividade turística se recupere en 2022, a partir da Semana Santa.