O Río Breogán quere facerse forte no Pazo e seguir dando pasos cara á permanencia

O Breogán volve ao Pazo este sábado logo da contundente derrota apañada no Palau. E o rival será o Andorra, un dos equipos máis en forma da liga ACB. Os dous conxuntos atópanse empatados con oito vitorias na zona baixa da clasificación pero con dúas de marxe sobre o descenso. 

Tampouco ten un rival doado o Leyma Coruña tras a súa vitoria ante o Lleida. O Baxi Manresa é unha das agradables sorpresas da competición. O partido suporá a estrea da última incorporación herculina, o letón Karlis Silins. O Leyma está a unha soa vitoria da permanencia.