O Río Breogán gústase fronte ao San Pablo Burgos
Os lucenses gañaron por 27 puntos e dominaron o partido en todo momento
O Breo chega ao parón con catro vitorias e catro derrotas
O Río Breogán volveu realizar un excelente partido no Pazo dos Deportes. Derrotou a un rival directo na loita pola permanencia, o San Pablo Burgos, por 27 puntos de diferenza (105-78) e demostrou que agora mesmo o seu nivel está por riba dos equipos que loitan pola continuidade na ACB.
Logo dun inicio igualado, o Breogán despegouse contra o final do primeiro cuarto e xa no descanso tiña o partido totalmente encamiñado con 19 puntos de vantaxe. O reinicio, lonxe de supoñer unha reacción do equipo burgalés, levpou as diferenzas incluso por riba dos 30 puntos.
Os de Luis Casimiro non precisaron da actuación sobranceira de ningún xogador. Cook e Rusell foron os máximos anotadors con 15 puntos pero os Dibba, Mavra, Kurucs, Alonso ou Apic tamén estiveron a un gran nivel.
O Breogán afrontará agora o parón dunha semana por mor dos compromisos das seleccións. Chega a este intervalo cun esperanzador balance de 4 vitorias e outras tantas derrotas. Nos últimos 4 partidos chegaron 3 triunfos, todos eles convincentes, amosando un alto nivel de xogo.
.jpeg){kind=spacer}
