O Deportivo Abanca recibe mañá ao líder en Riazor (12:00h, G2 e AGalega.gal)

Na liga feminina, o Deportivo Abanca recibe mañá domingo o FC Barcelona. Partido que poderán ver ao mediodía a través da nosa segunda canle.

Conscientes da dificultade do duelo, as coruñesas reciben o líder coa mellor mentalidade. Vai ser moi complicado, pero están preparadas para sufrir. Así o recoñeceu Fran Alonso na previa: "Temos que asumir que é un partido no que temos que sufrir. Todo o mundo nos dá por perdedoras, pero so temos unha lesionada, Millene. Todo o equipo está en forma, apertando moitísimo", indicou.