O Reino Unido recupera a obriga de usar máscara en espazos interiores
As persoas vacinadas que cheguen ao país deben facer unha PCR, en lugar dun test de antíxenos
O primeiro ministro británico, Boris Johnson, anunciou este sábado novas restricións para combater a variante ómicron. Ademais de recupera o uso da máscara en tendas e no transporte público, as persoas vacinadas que cheguen ao país deberán facer unha PCR, en lugar dun test de antíxenos.
Nunha rolda de prensa, o líder conservador, que antes do verán levantou todas as limitacións no Reino Unido, subliñou a importancia de "gañar tempo", minimizando os contaxios, ata que se determine o efecto real da nova variante.
