O Real Madrid comeza con susto e remonta en Almería 1-2

O Real Madrid asinou unha traballada vitoria na súa estrea ligueira en casa dun recentemente ascendido como o Almería, que se adiantou cun tanto de Largie Ramazani nos primeiros minutos, que obrigou a remontar ao equipo de Carlo Ancelotti no segundo acto no Power Horse Stadium, con tantos de Lucas Vázquez e unha falta perfecta de Alaba.

Cun once de rotacións de Ancelotti e a estrea de titulares de Antonio Rüdiger, que fallou no gol do Almería, e un errático Aurélien Tchuaméni, o vixente campión de LaLiga iniciou con susto o seu camiño á defensa da coroa. A súa continua procura do gol non deu os seus froitos ata a hora de partido, cando dunha acción individual de Vinícius Junior, xurdiu o rexeite que mandou á rede Lucas Vázquez.

Aquí o resumo: http://tvg.gal/4th351