O Real Madrid pode co Atleti (2-1) e xogará a final da Supercopa ante o Barça
Valverde e Rodrygo anotaron os goles brancos e Sorloth marcou o tanto do equipo colchoeiro
Rugiger e Asencio remataron mancados no cadro de Xabi Alonso
@realmadrid
O Real Madrid xogará a gran final da Supercopa de España despois de impoñerse ó Atlético (2-1) nun derbi madrileño onde os de Xabi Alonso souberon manter un marcador que se lles puxo en vantaxe desde o inicio do partido. O Fútbol Club Barcelona espera na gran final do domingo.
O Real Madrid xa golpeou no primeiro minuto de partido. Fede Valverde conectou un espectacular lanzamento de falta desde 35 metros que entrou coma un obús na meta de Oblak. A partir de aí, o equipo de Xabi Alonso decidiu defender en bloque baixo para buscar ás contras para facerlle dano o Atleti. Os de Simeone tiñan moita posesión pero poucas ideas e soamente estiveron preto do empate cun remate de cabeza de Sorloth que non atopou portería.
Na segunda metade non cambiou o guión do partido. O que trocou foi o acerto dos brancos que acadaron o segundo gol tras un contraataque culminado por Rodrygo. Pero reaccionaría o equipo de Simeone que case acto seguido reducía diferenzas por medio do noruegués Sorloth que esta vez si que atinou coa súa cacholada.
O Real Madrid pasaba os seus peores momentos no partido e os problemas incrementaban tras as lesións dos seus dous centrais á vez: Rudiger e Asencio. Mendy e Fran García entraban para completar unha zaga de circunstancias. Pero souberon sufrir os de Xabi Alonso que aguantaron as acometidas dun Atleti que adoeceu de claridade necesaria na área contraria.
