O Rácing xoga o aprazado ante o Castela nunha semana con tres partidos esixentes
O próximo domingo xogará o derbi ante o Lugo
Pablo López lamenta que o partido se xogue nun campo sen espectadores
Pablo López céntrase no Castela, non mira a clasificación e tampouco ten na cabeza o derbi fronte ao Lugo do domingo.
"Hai algúns xogadores que teñen molestias tras o partido fronte á Ponferradina e todos coa fatiga normal de xogar hai dous días", explica Pablo López sobre o seu equipo.
Tamén engade.
"Todos estarán ao cen por cento para competir neste encontro e os que salten ao campo farano da mellor maneira posible".
Sobre se fará rotacións, xa que está será unha semana de tres partidos explica que o corpo técnico sempre pon todo en valor.
"Antes do partido decidiremos cal é o mellor once que podemos sacar para xogar este partido. Con todo, só pensamos no Real Madrid Castela, é un partido importante, un rival cunha grande entidade e só podemos pensar no partido e non desviar a atención noutras cousas".
O técnico opinou sobre o feito de que o partido non se dispute no Alfredo Dei Stéfano, que é onde adoita xogar o Castela, aínda que si no campo número sete.
"O único malo de xogar no campo número sete é polos afeccionados racinguistas. Sei que o Rácing conta co apoio de dúas peñas en Madrid e ademais había afeccionados de Ferrol que se ían desprazar ata alí".
