O Rácing, xa descendido, quere deixar mañá unha boa imaxe contra o Zaragoza

O Rácing disputará mañá pola tarde o seu compromiso desta xornada. Unha vez confirmado o descenso matemático, o equipo ferrolán intentará ofrecer unha boa imaxe ante o Zaragoza na Malata.

O partido é vital para o conxunto maño, que está metido de cheo na loita pola permanencia. Alejandro Menéndez ten problemas en defensa polas baixas de Puric e Naldo, aínda que no club ferrolán non recibiron arestora a confirmación das súas sancións por acumulación de cartóns.

O técnico racinguista afirmou hoxe na rolda de prensa que o encontro é moi importante tamén para o seu equipo.