O pulmón operado ao papa León XIV mostra unha "boa recuperación"

O pulmón operado do papa León XIV "mostra unha boa recuperación" tras unha radiografía de tórax realizada ao pontífice, informou este xoves a oficina de prensa do Vaticano.

"Unha radiografía de tórax mostrou unha boa recuperación do pulmón operado", indican no comunicado vaticano o médico privado de León XIV, Luigi Carbone, e o xefe do equipo de cirurxía que interveu ao papa, Stefano Margaritora.

O pasado martes, o papa foi operado no Policlínico Gemelli de Roma, dun adenocarcinoma pulmonar, un tipo de cancro, nunha intervención en que lle extirparon o lóbulo inferior do pulmón dereito.

(Reuters/Yara Nardi)

No seu segundo día de convalecencia, o pontífice someteuse aos controis rutineiros, "que resultaron normais", e realizou as súas actividades diarias de forma independente.

Tamén tivo unha sesión de fisioterapia que incluíu exercicios de motricidade completa.

"En xeral, a recuperación postoperatoria transcorre con normalidade", conclúe o comunicado.