A Xunta e Abanca alíanse para promover o Xacobeo
Rueda e Escotet asinaron un acordo con 3 millóns de euros para a proxección internacional de Galicia
Nos próximos días vaise bater un novo récord de peregrinos
Alfonso Rueda e Juan Carlos Escotet selaron o acordo coa Catedral de fondo. Unha alianza que busca proxectar Galicia ao mundo a través de concertos, eventos deportivos e exposicións entre outras actividades culturais.
Escotet dixo que "Galicia recibiu moito do Xacobeo ao longo destes anos, e dende Abanca estamos moi orgullosos de poder camiñar ao seu lado".
Rueda agradece o apoio de Abanca para facer, dixo, o mellor Xacobeo da historia: "O Xacobeo ten que ser un dos motores do crecemento que está experimentando Galicia e queremos aproveitar esta enorme oportunidade con moito optimismo pero tamén con moita responsabilidade", matizou o presidente da Xunta.
Nos próximos días o Camiño de Santiago vai superar o récord das 530.000 compostelas seladas o ano pasado.
