O prezo do litro de gasolina supera a barreira dos 1,5 euros

O prezo da gasolina volveu bater marcas. O custo do litro supera a barreira do euro e medio.  Encher un depósito medio de 55 litros con gasolina custa case 85 euros, se o enchemos de gasóleo o prezo alcanza os 78 euros.

Ambos carburantes manteñen a súa tendencia á alza e superan todas as marcas históricas acadadas anteriormente. A gasolina custa hoxe un 25 por cento máis que hai un ano. Os empresarios das estacións de servizo aseguran que o consumo cae polos prezos.