O prezo da luz sobe un 5,41 % este martes e sitúase nos 265,02 euros/MWh

O prezo medio da electricidade no mercado grosista subirá un 5,41 % este martes e superará a cota dos 250 euros megawatt/hora por segunda xornada consecutiva.

O prezo medio para este martes será de 265,02 euros, 13,61 euros máis caro que os 251,41 euros/MWh deste luns, segundo datos publicados polo Operador do Mercado Ibérico de Enerxía.

O prezo máximo da luz este martes darase entre as 20:00 e as 21:00 horas, con 300,97 euros/MWh, mentres que o mínimo, de 205,5 euros/MWh, rexistrouse entre as 02:00 e as 03:00 horas.