O paro sobe en 70.900 persoas no primeiro trimestre do ano, segundo a EPA

O primeiro trimestre adoita ser malo para o emprego e este ano sumouse a crise pola inflación.

O mercado laboral perdeu 100.200 ocupados no primeiro trimestre do ano con respecto ao anterior, segundo os datos da Enquisa de Poboación Activa (EPA) que publica este xoves o Instituto Nacional de Estatística (INE). O número de persoas ocupadas en España sitúadose nun total de 20.084.700.

Segundo a EPA, o  paro subiu un 2% no primeiro trimestre do ano en máis de 70.900 persoas, ata os 3.174.700 parados un 13,6 % da poboación activa, nun período que adoita ser malo para o emprego.

Todo o emprego destruído é temporal.  Mentres que aumentan as contratos indefinidos ata superar os 12.800.000, un novo máximo histórico. 

Por sectores, o emprego caeu principalmente na industria, con 68.000 ocupados menos; no sector servizos, con 50.100 empregos menos, e na agricultura, con 12.500 parados máis. Aumentou o emprego no sector da construción, onde se rexistraron 30.300 afiliados máis á Seguridade Social.

As cifras, sinalan desde o Goberno, están "en liña" con outros anos e manter o total por encima dos 20 millóns "pon de manifesto o dinamismo do mercado laboral".

O número de fogares con todos os seus membros activos en paro aumentou no primeiro trimestre de 2022 en 29.000 con respecto ao trimestre anterior, e situou a cifra total en 1.052.900 fogares, dos que 298.700 eran unipersoais.

Os datos da EPA conclúen que no primeiro trimestre do ano había en España 19.039.500 fogares, 49.500 máis que no trimestre anterior; deles, 5.204,300 eran unipersoais.

Do total de fogares, 11.049.700 tiñan todos os seus membros activos ocupados, 22.300 menos que no trimestre anterior, e destes 2.239.100 eran fogares unipersoais.

Con respecto ao primeiro trimestre de 2021, o número de fogares con todos os seus membros activos en paro diminuíu en 173.300, mentres que os que teñen todos os seus membros activos ocupados aumentaron en 630.800.

O primeiro trimestre do ano adoita ser complicado para o emprego tras finalizar a campaña do Nadal e as cifras, sinaladas polo Goberno, están "en liña" con outros anos.

O mercado laboral galego gañou 100 ocupados no primeiro trimestre do ano, ata situar o total en 1.091.400, mentres que o paro subiu en 6.000 persoas ata os 141.000 desempregados.

O paro subiu en todas as comunidades menos en catro. En Galicia subiu máis que a media, un 4 %, con 6.000 desempregados máis.  Pero a taxa de paro está dous puntos por baixo ca no conxunto de España, nun 11,4. Hai 141.000 desempregados. 

En Galicia salvouse o emprego cunha mínima repunta de 100 ocupados máis. Tamén baixou o paro xuvenil, máis dun 3 %, pero aínda afecta un 32% dos mozos.

Por provincias, o número de ocupados é de 462.300 na Coruña, 382.400 en Pontevedra, 131.900 na provincia de Lugo, e 114.700 na de Ourense. En canto ao paro, a provincia de Pontevedra rexistra 59.800 persoas desempregadas, 51.100 A Coruña, 15.100 Ourense, e 15.000 persoas en paro a provincia de Lugo.