O Obradoiro rexorde e evita que o Breogán celebre a Copa (100-83)
O Obradoiro rexorde e evita que o Breogán celebre a Copa (100-83)
Birutis dominou baixo os taboleiros con 26 puntos e oito rebotes e o Obradoiro sumou a sexta vitoria
O Breogán terá que agardar a terceiros resultados para festexar a clasificación na Copa
O Obradoiro recolleu un gran triunfo no derbi galego ante o Breogán no medio dun ambiente de baloncesto extraordinario (100–83). O Breo tentaba asegurar a clasificación para a Copa, pero terá que agardar a terceiros resultados para que sexa matemática.
O primeiro cuarto foi o único igualado. Lukovic, Bell Haynes e Sergi Quintela anotaban con facilidade para o Breogán e Birutis comezou o seu recital particular con dez puntos no primeiro acto (29–27).
Moncho Fernández: "Gañamos a un equipo que xogará a Copa, que deixou fóra a un equipo de Euroliga"
Oriol Comas: "Tiñan máis ganas ca nós desde o principio. Pasáronnos por riba"
Pero Obradoiro aumentou a intensidade defensiva no segundo cuarto. Dominadores do rebote, foron marchando no marcador ata poñerse por riba dos dez puntos (47–38). Ao descanso o resultado era de 51–40 e Birutis xa se manexaba con dezasete puntos e sete rebotes.
No terceiro cuarto marchou Obradoiro. Con Scrubb en estado de graza (once puntos) o equipo de Moncho Fernández chegou a ter 21 puntos de vantaxe (67–46). O Breogán tirou de garra para recuperar no marcador pero nunca tivo opcións de meterse no partido.
De feito, no treito final o Obradoiro volveu estar no limiar dos vinte puntos e festexou un triunfo que levaba tempo agardando.
📊 ¡Estadísticas FINALES del Monbus @OBRADOIROCAB 🆚 Río @CBBreogan!
— Liga Endesa (@ACBCOM) January 23, 2022
3⃣7⃣ Laurynas Birutis
2⃣6⃣ Kassius Robertson
2⃣4⃣ Braydon Hobbs
1⃣9⃣ Marko Lukovic
1⃣5⃣ Dzanan Musa #LigaEndesa #ListosParaRomperla pic.twitter.com/E8oqDrd9QK
