O Obradoiro, afectado por un virus, intentará aproveitar a crise do Bilbao Basket
O Obradoiro está pendente de Robertson, que aínda non se adestrou esta semana por un proceso vírico
O rival, con tres derrotas seguidas, só gañou un dos seu últimos seis partidos
O Monbus Obradoiro está pendente de Robertson, que aínda non se adestrou esta semana por un proceso vírico que tamén sufriron Álvaro Muñoz e Leo westermann. O club está atento ao mercado para atopar un substituto para Bender e pelexar, se cadra, por cousas importantes ata o final de liga.
Moncho Fernández: "Estamos constantemente no mercado, cando apareza teñen que darse uns factores deportivos e económicos"
O Obradoiro espera aproveitar a profunda crise do Bilbao Basket. O rival, con tres derrotas seguidas, só gañou un dos seu últimos seis partidos. O Bilbao, incapaz de dar a sorpresa en Europa, chegará á capital galega despois de sufrir unha dolorosa derrota na casa na competición doméstica.
O conxunto vasco caeu na casa de xeito claro por 51-70 fronte ao Joventut de Badalona, cun só xogador, Adam Smith, que alcanzou os dous díxitos de anotación.
