Fredi: "Incrible, este equipo ten algo que tiña o ano pasado, é o debut soñado"
O adestrador celeste recoñeceu que o Celta Fortuna debe mellorar na súa adaptación á categoría
Fredi Álvarez non agochou a súa satisfacción logo da vitoria do Celta Fortuna ante o Andorra este luns en Balaídos.
"Foi incrible. Este equipo pois ten algo, xa o tiña o ano pasado e parece que non o perdemos nesta Segunda División, así que foi un debut soñado diante da nosa xente".
Pensa que "o Andorra foi mellor en canto a fútbol, pero en canto a á coraxe, á paixón, á resiliencia" que ten este equipo foron "quen de de levar os tres puntos".
O adestrador celeste recoñeceu que o Celta Fortuna debe mellorar na súa adaptación á categoría. Considerou que os seus xogadores teñen que asumir canto antes que en Segunda División os rivais tamén poden arrebatarlles o balón e xerarlles problemas.
