Publicador de contidos

Publicador de contidos

O Noia completa a temporada perfecta coa Copa Galicia

O Noia completa a temporada perfecta coa Copa Galicia

Derrotou ao Parrulo Ferrol logo dun partido cheo de alternativas (3–3) e decidido nos penaltis

G24.gal 17/05/2022 22:13

O Noia Portus Apostoli completou a temporada perfecta coa Copa Galicia de fútbol sala. Logo de acadar o ascenso á máxima categoría gañou, por primeira vez na súa historia, o torneo galego derrotando na final o Parrulo Ferrol. O partido rematou con empate (3–3) e decidiuse na quenda de penaltis. 

Nun encontro cheo de alternativas o primeiro en marcar foi o internacional Adri para os ferroláns. Empatou deseguido Bruno Gomes. Na segunda metade Peña marcou para o Noia e Pedro conseguiu poñer o empate e levar o partido á prórroga. 

No tempo suplementario Adri volvía marcar e poñía o 3–2, pero cando máis preto parecía a Copa para o Parrulo apareceu Bruno Gomes e anotou o definitivo tanto do empate. Na quenda de penaltis o equipo ferrolán tivo dous erros e o Noia só un e levou o título. 

Publicidade
Publicidade
Publicidade
Pódeche interesar

Publicador de contidos