O Marsella anuncia a fichaxe do porteiro mosense Rubén Blanco

O porteiro de Mos Rubén Blanco (28 anos) seguirá a súa traxectoria deportiva no Marsella. O ano pasado marchou cedido ao equipo francés e, malia non ser titular, deixou unha fonda pegada no club. O Olympique apostou forte polo seu regreso e o Celta non puxo impedimentos para que o seu canteirán marchase. 

QUERIDA FAMILIA DEL @RCCelta 💙 #Afouteza 👇🏼✍️ pic.twitter.com/Ymhfwx0lGa

— Rubén Blanco Team (@RubenBlancoTeam) July 30, 2023

Uns 2 millóns de euros ingresa o Celta pola operación. Un xogador que apareceu no primeiro equipo en idade xuvenil para participar de xeito decisivo na permanencia da temporada 12-13. Alternou campañas como porteiro suplente con outras nas que foi o titular (18-19 e 19-20) pero sempre se atopou con algún adestrador que reclamaba outro porteiro para competirlle a titularidade. 

🤩 Rubén Blanco Veiga, 𝘂𝗻 𝗱𝗼𝘀 𝗻𝗼𝘀𝗼𝘀! 🩵#LaLigaHighlights | #GrazasRucho pic.twitter.com/hBgWvevxGb

— RC Celta (@RCCelta) July 31, 2023